大勝馬經賽後評 2021年5月26日

大勝馬經賽後評 2021年5月26日 快活谷草地C欄C+3彎

【賽後評】文徐大搏殺齊起孖 谷草破紀錄之夜

 

周三谷草9場跑C欄好至快地,場地乾快到駭人,全晚三度破全港紀錄,另加一場班際紀錄,放頭馬或二疊拍住放賽駒,包辦7場頭馬,只得一場 #蝦餃燒賣 從後衝贏,另外尾場 #飛霸龍 守黃金包廂位勝出,放得快絕對唔驚,要追都只能等內欄慳住位追,例如 #電訊超班 #喜駿駒 追得勁,預計餘下5次谷草賽事,除非臨場落雨改變形勢,否則天晴地快形勢應會維持。

 

#莫雷拉 #蔡明紹 起孖, #潘頓 #田泰安 連同 #雷神,3人包辦全晚14席三甲,超過全晚一半, #徐雨石 #文家良 起孖,洋倉只有 #方嘉柏 #苗禮德 有馬贏。

 

第1場5班1200米 中等偏快

怪獸媽媽 直路巫顯東韁繩既鬆又亂,技術唔掂阻到人,全靠跑道偏差頂得住;趣怡 中外檔追得最好,轉廄大有起色;隨我來 四平八穩的五班貨色,換大師傅可贏番場;鑲藍旗 發揮無挑剔但無加速力,食個三文治位置都無埋;美滿將來 同樣外檔衝得勁,開始反彈;電子寶貝 一早要騎但無反應;華麗傳承 全程外遊;勝出魅力 貼晒欄一滴都無。

推介:趣怡、美滿將來

 

第2場5班1200米 中等

種福者 再次輕鬆一放到底,末段時間理想,五班又產多捷馬;有苗頭 已發揮滿分,實力係咁多無話可說,五班唔易贏;怡昌福星 一檔一步不蝕,難求跑番上季水準;幸運勝駒 靠前速拎番少少獎金,實力太參差;榮彩大道 轉彎飛得太外,頂埋幾隻對手,葉廄似等暑假;飛帥 跑姿論盡,仲要後追太難;嘉喜旺 均速馬中距離較好;首飾傳奇 全程三疊。

推介:無

 

第3場3班1650米 快

步速前段超慢,拉士八百快得驚人,電訊巴打 破班際紀錄,齋計拉士千二快過標準,識追賽駒必須跟進;常拼常勇 初跑谷草及一哩能追近,好快補中;超趣 兜個大彎都衝得好,季尾可整番場;嘉應精彩 賺形勢威脅大,潘頓發揮特佳;進力之城 難騎要等雷神;捷報 無得追場合太高難度;繽紛遊戲 田草步速較合適;成才 步速最快時走三疊。

推介:超趣、常拼常勇

 

第4場4班1200米 快

海精英 狂放中段全無回氣,發揮駭人敗不足據;蝦餃燒賣 兜出外檔無擠阻,加罩效果好,下季應再進步;冰雪奇遇 轉彎飛出四疊蝕得多,內閃嚴重慘失頭馬,用薛恩博賠率付沉重代價,變熱都盡快交代;電訊火箭 田泰安跑線已發揮得好,搏得七七八八;仲得威 繼續唔識轉腳;友心友型 成條直路有位都幾乎無騎過;王者奇兵 、迎彩繽紛 完全無位。

推介:冰雪奇遇

 

第5場4班1650米 快

天衣無縫 五升四照樣快步速放到,文廄今季代表作;俏芳華 飛出握手位轉彎,全場唯一識追,輸在場地;珍珠鳳凰 雷神再發揮神級走位切入,實力係咁多但交代心切;幸福友善 走位毫無挑剔,腳法麻麻要再增程跑均速;有得精彩 增程效果唔錯;綠續爆發 外檔稍追,下季初應可爭勝;勁叻仔 初跑一哩開始近;爸巴閉 騎都唔夠快,要增程。

推介:俏芳華

 

第6場4班1200米 中等偏快

正本歡心 前速夠快輕鬆切入放到,潘頓騎就唔搶口,賺埋形勢僅勝;電訊超班 起步例牌稍慢,好彩排內檔能修正,田泰安已一步不蝕都追唔到,錯失良機;喜駿之星 步速快最後幾步腳軟內閃,要搵番遮擋較佳;順意寶 轉彎飛到十幾疊蝕晒位,衝得勁都無用,四班甚超;領航大帝 全程三疊當無跑;亮先生 全程望空;小武士 熱身性質算係咁。

推介:順意寶

 

第7場3班1000米 快

舞士精神 前速夠快貼欄已奠勝,乾快場地完全無得追,可專注最短途;人和家興 未能貼欄就被比下去,情緒較前安穩汗濕減少;辣臣 恰如其分跑位置,負重磅難突破;事事亨通 乾快地唔啱跑,評分已見有利;無限商機 未入直路已推騎,對手太強兼偏差大;富祿 全場唯一識追,慢閘計表現已算出色,配備有幫助;過河勁卒 試閘性質,落班可博。

推介:富祿

 

第8場2班1650米 超快

莎皇者 恃磅輕一於跟前拍住放,善用優勢輕勝,加分後要睇形勢;綠色有運 重戴眼罩有番前速,評分處高位優勢唔大,勝在準繩;喜駿駒 唯一追得勁,論實力肯定高晒,輸場地無得講;好鬥心 回師谷草就跑回水準,實力就要三班才夠贏;倬躍錦標 跟前就唔識追,或要進軍更長程;盛大光輝 是日場地都放唔到,似乎跑唔番;幸福老撾 早段跟唔住。

推介:喜駿駒

 

第9場3班1200米 快

飛霸龍 賀銘年跑出谷草代表作,八檔迅速切入守包廂位,苗廄交代鬆口氣;年年旺 一檔走出六疊轉彎,巴度發揮被比下去;財駿 五疊轉彎都識追,能力三班夠贏;上駿之星 全程三疊望空,姚廄新勝避之則吉;青心星 前速都無埋,跑得太密已失殺著;紅運泰斗 初出兜大彎求其追近,表現搶眼,增程需留神;木火同明 一步不蝕但三班唔夠跑。

推介:紅運泰斗


To Vincent

1 啱博客 貼文

評論